Eai goassege ovdal leat nu oallugat čađahan joatkkaskuvlla go dál. 73 proseantta ohppiin gárvejit oahpu viđa jagi siste.
Eai goassege ovdal leat nu oallugat čađahan joatkkaskuvlla go dál. 73 proseantta ohppiin gárvejit oahpu viđa jagi siste.
73 proseantta ohppiin geat álge joatkkaskuvlii 2011:s leat čađahan oahpuset viđa jagi siste.
– 17 jagi áigi mihtidišgohte man olu joatkkaskuvlaoahppit čađahedje oahpuset, ja dan rájes eai leamaš nu buori logut go dál, čállá Oahpahusdirektoráhta preassadieđáhusas.
Guhkit áigge leat gaskal 67-71 proseantta ohppiin čađahan joatkkaskuvlla viđa jagis.
Finnmárkkus unnimus
Juohke fylkkas lassánit oahppit geat čađahit joatkkaskuvlla viđa jagi siste.
Akershus fylkkas čađahit eanemus oahppit joatkkaskuvllas, 78 proseantta gárvejit oahpuset.
Finnmárkkus ges čađahit unnimus oahppit joatkkaskuvlla, 63 proseantta čađahit oahpuset viđa jagis.
Vaikke Norgga davimus fylkkas čađahit unnimus oahppit joatkkaskuvlla, de lea lohku lassánan sakka logi jagis. 2006 rájes lea lohku lassánan 14 proseanttain.
