Stuorát oassi leat álggahan aviissa, TV-kanála dahje streamenbálvalusaid diŋgojumi koronadili geažil go oassi mii lea heaittihan diŋgojumi.
13 proseantta leat álggahan dahje leat smiehttan álggahit unnimus ovtta mediadiŋgojumi koronaheađi oktavuođas. Gávcci proseantta leat álggahan ođđa aviissa, TV, dahje streamenbálvalusaid diŋgojumi, ja čieža proseantta árvvoštallet ođđa diŋgojumi, čájeha Mediabearráigeahču iskkadeapmi.
Viidáset čájehit logut ahte logi proseantta leat heaittihan unnimus ovtta mediadiŋgojumi korona oktavuođas, čuožžu preassadieđáhusas.
