-Almmuhus-
-Almmuhus-
OĐĐASATEambbosat áigot searvat siviila jeagohisvuhtii

Eambbosat áigot searvat siviila jeagohisvuhtii

-

-

Ráđđehus lea dál addán lobi luoitit ruvkebázahusaid Riehpovutnii. Natur og ungdom, nuoraid birasgáhtten organisašuvdna dieđiha ahte dat lea dagahan ahte eambbosat áigot searvat siviila jeagohisvuhtii, Nussira ruvkedoaimma oktavuođas.

Mannan vahkku dieđihii Dálkkádat- ja birasdepartemeantta ahte Birasdirektoráhta luoitinlohpi Riehpovutnii bisuhuvvo.

Dat mearkkaša ahte Nussir fitnodagas dál lea loahpalaš luoitinlohpi, muhto sis váilu doaibmalohpi ovdal besset álggahit ruvkedoaimma Fálesnuori suohkanii.

 

Lohku lassána

NRK dieđiha dál ahte nuoraid birasgáhtten organisašuvdna Natur og Ungdom lea ožžon eambbosiid mielde siviila jeagohisvuhtii.

Sii áigot vuosttaldit ruvkedoaimma.

Natur og Ungdom dieđiha ahte maŋemuš vahkku leat guoktelogis dieđihan ahte áigot searvat ákšuneremii, ja siviila jeagohisvuhtii.

 

2 300 olbmo áigot searvat

Dál leat oktiibuot 2 300 olbmo dieđihan ahte áigot searvat siviila jeagohisvuhtii go Nussir álggahišgoahtá ruvkedoaimmaid.

Gaute Eiterjord lea nubbinjođiheaddji Natur og Ungdom searvvis.

– Juohke háve go boahtá ođđa mearrádus departemeanttas dahje direktoráhtas, de lassánit olbmot min listtus. Fuomášupmi áššái lassána, ja oallugat áigot leahkit mielde váikkuheame. Midjiide mearkkaša dat ahte mis lea vuođđu doalahit akšuvnna guhkit, jus dasa lea dárbu, lohká Gaute Eiterjord NRKii.

-Almmuhus-