– Dálá nuorat galget hábmet boahtteáiggi mearrabiebmoásahusaid ja bargosajiid. Danne lea buorre go válljejit oahppu mii sihkkarastá boahtteáiggi hálddašeami min «alit dávvirvuorkkás», lohká guolástusministtar Harald T. Nesvik.
Ohcciidlohku lea lassánan Akvakultuvrra ohppui ja guolástan ja bivdinohppui, ja lea 2018 rájes loktanan 20 proseanttain. Eanemus oahppit leat Nordlánddas ja Møre ja Romsdálas.
Oktiibuot leat 501 oahppi ohcan beassat joatkkaohppui guolásteamis ja mearrageavaheami ohppui. Dat lea 130 proseantta lassáneapmi 2012 rájes.
2,5 miljovnna várren doaimmaide
Ealáhus- ja guolástusdepartemeanta áigu veahkkin oažžut johtui doaimmaid, mat čájehit nuoraide vejolašvuođaid guolástusealáhusas.
– Mus lea jáhkku aktiviserema bokte addit nuoraide dieđuid. Lean dan dihte várren ruđa nu ahte sáhttet buorebut oahpásmuvvat guollebiebmoealáhussii, lohká guolástusministtar Harald T. Nesvik.
Ealáhus- ja guolástusdepartemeanta lea várren 2,5 miljovnna ruvnno doaimmaide mat čájehit nuoraide mearrabiebmoealáhusa geasuheaddji bargosadjin.
Ohcanáigi ruhtadoarjagii lea cuoŋománu 11.beaivvi.
