Dán jagi lea 60 proseantta bargiin heivehuvvon bargodilli sis geat leat doaimmashehttejuvvon. Dat lea gávcci proseantačuoggá lassáneapmi diimmážis.
2002:s kártejuvvui doaimmashehttejuvvon olbmuid bargodilli vuosttaš geardde.
Dan rájes lea lassáneapmi leamaš 18 proseantačuoggá, čájehit ođđa logut bargonákcaiskkadeamis mii lea statistihkas doaimmahehttejuvvon.
Heiveheamit leat vuosttažettiin bargosajis, muhto rievdadeamit barggus ja bargoáiggis leat maid mielde das.
Sii geat nuppi kvartálas 2018:s eai lean ožžon bargodili heivehuvvot, doalahii 17 proseantta ahte ii lean dárbu dasa. Dat lohku lea vehá badjelis go dain ovddit jagiin.
Sávvet dienasbarggu
Eai leat buohkat geat sávaše barggu, geat rehkenastojuvvojit leat barggu haga statistihkas.
Doaimmashehttejuvvon olbmuid gaskkas geain ii leat dienas sisaboahtun, ledje 85 000 olbmo geat lohke sávvat dakkár barggu nuppi kvartálas 2018:s.
Nu go ovddit jagiid, de lei okta njealjádasoassi geat ledje barggu haga. 18 000 sis klassifiserejuvvojedje leat áibbas barggu haga.
Álbmogis ollislaččat, sii geat leat agis 15-66 jagi boarrásat, lei lohku badjel 30 proseantta sis geain ii leat bargu, muhto sávaše oažžut barggu.
