Loahpalaš logut leat gárvásat čakčat, muhto dál dieđihit máŋga universitehta ja allaskuvlla ahte lea eambbo verrošeapmi eksámeniin.
Oslo Metas leat dán rádjai 57 ášši diimmá 49 ášši ektui olles 2018/2019 skuvlajagi, dieđiha seniorráđđeaddi Marius Stene Fuglum Khronoi.
NTNU:s oaivvilda professor Brynjulf Owren Fakultehtas informašuvdnateknologiijii ja elektronihkkii ahte studeanttat lonohalle vástádusaid ruovttueksámenis.
– In leat goassege vásihan sullasačča. Áššit leat juohkelágánat, gitta plagiáhtas ovttasbargui, dadjá čálli váidalanlávdegottis, Ragnhild Skomedal.