Romssa ja Finnmárkku fylkkasuohkana bušeahtas juolluduvvo 0,5 miljovnna ruvnno eambbo sámi museaide Finnmárkkus.
– Dá lea fylkkasuohkana ja Sámedikki ovttasbargošiehtadusa čuovvoleapmi, dadjá ekonomiija ja kultuvrra fylkkaráđđi Ronald Wærnes.
Fylkkasuohkan čállá preassadieđáhusas ahte fylkkasuohkan dáinna lágiin váldá ovddasvástádusa nannet sámi museaid, addit buoret gaskkustaneavttuid, máhttobuvttadeami ja ovdánahttinbarggu.
– Museain lea dehálaš gelbbolašbiras fylkkasuohkanis. Mun illudan viidásit ovttasbargat sihke museaiguin, suohkaniiguin ja Sámedikkiin museaovdánemiin, dadjá Wærnes.
