Statnett árvvoštallá Romssa ja Finnmárkku elfápmodili čavgasin. Elfápmoneahtta lea hearki, muhto eambbo linnját nanneše neahta, cealká Norgga čázádat- ja energiijadirektoráhtta preassadieđáhusas.
Statnett árvvoštallá Romssa ja Finnmárkku elfápmodili čavgasin. Elfápmoneahtta lea hearki, muhto eambbo linnját nanneše neahta, cealká Norgga čázádat- ja energiijadirektoráhtta preassadieđáhusas.
Statnett árvvoštallan Romssa ja Finnmárkku elfápmodilis čájeha ahte dilli lea hearki. Eanet elfápmolinnját nanneše dan, oaivvilda Norgga čázádat- ja energiijadirektoráhtta.
– Romssa ja Finnmárkku elfápmoneahtta lea hearki. Danne lea Norgga čázádat- ja energiijadirektoráhtta addán lobi nannet elrávdnjeneahta Nordlándda ja Romssa gaskkas. Go dát linnjá lea gárvvis, de buorrána dilli, lohká Norgga čázádat- ja energiijadirektoráhta ossodathoavda Gudmund Bartnes.
Unnit čáhci go dábálaččat
Statnett lea hukseme elfápmolinnjá Ofuohta ja Balsfjord gaskii. Go linnjá lea gárvvis, de dat sihkkarastá elfápmoneahta Romssas ja Finnmárkkus. Dat rahpá maid vejolašvuođa álggahit ođđa fápmobuvttadusa guvlui.
– Romssa ja Finnmárkku elfápmu boahtá čáhcefámus, ja guovtti sirdinčanastagain Nordlánddas. Guovllus leat maid vihtta bieggafápmodoaimma mat bures veahkehit dili, lohká Bartnes.
Romssas ja Finnmárkkus lea unnit čáhci magasiinnain go dábálaččat, olu muohta dagaha ahte resurssat leat olu, muhto čoaska dálkkit dagahit ahte muohta suddá hilljánit. Čoaska dálkkit dagahit maid ahte geavahuvvo eanet elfápmu.
