135 980 olbmo leat dán jagi ohcan oahpposaji allaskuvllas dahje universitehtas.
Dán jagi leat veaháš eambbo ohccit go diibmá. Eanemus lassánan lea ekonomiija-hálddahuslaš fágaide, IT:i ja teknologiijafágaide, ohcciid lohku lea dan seammás njiedjan eanemus oahpaheaddjeoahpuide.
Pandemiija áigge ledje hirbmat ollu ohccit allaskuvlla ja universitehta oahpuide, dál lea lohku fas eambbo stáđis nu go ovdal pandemiija. Oktiibuot leat 2,2 ohcci juohke oahpposaji nammii, ja ohccit sáhttet válljet ollu fálaldagain go leat 62 590 oahpposaji 27 universitehtas ja allaskuvllain miehtá riikka.
Ohcciidloguid stuorámus rievdadus diimmá ektui lea go oahpaheaddjeohppui njidjet ohcciidlogut. Jagi 2019 rájes leat juohke jagi geahppánan ohccit oahpaheaddjeoahpuide, ja ohcciidlohku lea njiedjan ollu diimmážis dán jahkái. Oktiibuot leat dán jagi 21,9 proseantta unnit vuosttaš geardde ohccit oahpaheaddjeoahpuide go 2018:s.
