Roavvenjárgga Hoavvariekti Suomas, čuovvola Lappi diggegotti ja dubme 28-jahkásaš ruoŧabeale albmá eallinahkái giddagassii goddima ovddas mii dáhpáhuvai Muonás diibmá.
Roavvenjárgga Hoavvariekti Suomas, čuovvola Lappi diggegotti ja dubme 28-jahkásaš ruoŧabeale albmá eallinahkái giddagassii goddima ovddas mii dáhpáhuvai Muonás diibmá.
Juovlamánus diibmá dubmii Lappi gearretriekti 28-jahkásaš albmá eallinahkái giddagassii goddima ovddas.
Almmái guoddalii duomu muhto hoavvariekti Roavvenjárggas čuovvola diggegotti.
28-jahkásaš dubmejuvvo roavva goddima ovddas mii dáhpáhuvai Muonás 2014:i guovvamánus, gos galgá čiekčan gillájeaddji máŋgga geardde oaivái, ja maiddái čuggon olbmo guvttiin niibbiin, čállá oddasat.se. Almmái lea Davvi-Ruoŧas eret.
Suomas mearkkaša eallinagiduopmu ahte ferte leat giddagasas 12 jagi, ovdal sáhttet ođđasit mearrat čohkkánáiggi.