Ealgabivdu álgá odne, čakčamánu 1.beaivvi Kárášjoga ja Guovdageainnu gielddain. Kárášjoga ja Porsáŋggu bivdojoavkkut leat dán jagi mielde ealgabivddu geahččalanortnegis, vihkket ealggaid ieža ja raporteret bivddu SMS:a bokte.
Ealgabivdu álgá odne, čakčamánu 1.beaivvi Kárášjoga ja Guovdageainnu gielddain. Kárášjoga ja Porsáŋggu bivdojoavkkut leat dán jagi mielde ealgabivddu geahččalanortnegis, vihkket ealggaid ieža ja raporteret bivddu SMS:a bokte.
Geahččalanortnet dahkko nu ahte ealgajoavkkut ieža vihkkejit ealggaid ja raporterejit FeFo:i sms:a bokte telefovdnanummarii 1963.
Dasa lassin go FeFo hálddašeapmi šaddá eambbo ulbmillaš, de maid seastá áiggi ja buorrána ráinnasvuohta iešvihkkemiin.
– Luohttit ahte geahččalangielddaid bivdit čuovvolit iešvihkkema bures. FeFo fitná váldime soames iskosiid njeidon ealggain go ealgabivdu lea jođus, mii álgá čakčamánu 1. beaivvi Kárášjoga gielddas. Jus geahččalanortnet lihkostuvvá geahččalangielddain, Porsáŋgu ja Kárášjohka, de mii árvvoštallat álggahit ortnega buot bivdojoavkkuide Finnmárkkuopmodagas, lohká Einar Asbjørnsen, meahcceossodaga jođiheaddji preassadieđáhusas.
Álkida ealgabivddu hattiid
Ovdal lei ealggaid haddevuogádat juhkkon golmma haddedássái, dál rievdá dan ovtta haddedássái.
Biergohattiid álkideapmi mearkkaša ahte ealga máksá dál seamma, gos ihkinassii njeidoš fylkkas.
Dat álkida bivddu ealgabivdiide, ja seammás doalaha dat Finnmárkku ealgabivddu hattiid vuolemus dásis olles Norggas.
Seastit stuorámus elliid
Kilohaddi lea progressiiva, ja dat máksá ahte losit elliin lea alit kilohaddi go geahppaset elliin.
Hálddašanortnet lea dan dihte ahte oaččuhit bivdiid njeaidit unnit elliid ja seastit daid stuorámus elliid eambbo.
Vuođđohaddi lea maiddái álkiduvvon – dál lea oktasaš kilohaddi sihke miesis, vuotnjalis/varihis (nuorra eallis) ja ráviseallis.
