Deanučázádaga Guolástanhálddahus lea sádden guokte reivve stáhtaráđđái Elvestuenii mas gáibidit ođđa šiehtadallamiid Suomain. Doppe ii leat vuos boahtán vástádus.
Deanučázádaga Guolástanhálddahus (DG) lea sádden Dálkkádat- ja birasdepartementii miessemánus ja geassemánus 2019:s reivve, mas dáhttot álggahit ođđa šiehtadallamiid Suomain Deanučázádaga rádjagaskka guolásteami birra jagi 2019:s, čállá DG preassadieđáhusas.
– Ii departemeanta leat vástidan min reivviid. Leat hirpmahuvvan go departemeanta ii leat vástidan DG jearaldaga, lea baicce válljen leat jávohaga, čálliba DG jođiheaddji John Nystad ja DG direktevra Hans-Erik Varsi.