Jápminlihkohisvuođat Norgga geainnuid alde leat njiedjan go olbmot leat šaddan čeahpibun johtolagas doalahit leahttorájá.
Njeallje jápminlihkohisvuođa logi jápminlihkohisvuođas leat alla leahtu geažil, čállá Stáhta geaidnodoaimmahat preassadieđáhusas. Stáhta geaidnodoaimmahat ovdanbuktá ođđa kampánjjas man stuorra riska lea leat dušše veahá badjelis leahttorájá, ja maiddái man sihkarin geainnut leat šaddan go eanatlohku dollet leahttorájá.
Jápminlihkohisvuođat njiedjan
Stáhta geaidnodoaimmahagas leat moadde lohkančuoggá mat čájehit leahttoovdáneami Norgga geainnuid alde. Jagi 2006 čuvvo 45,6 proseantta biilavuddjiin leahttorájá. Dál fas čuvvot 62,1 proseantta leahttorájá. Dan áigodagas leat jápminlihkohisvuođat njeadjan 242:s gitta 108 rádjái.
