NAF:a ođđa iskan čieža galmmihanbovssas, maid sáhttá biilii bidjat, čajeha ahte buot bovssat eai biso galmmasin go leat
4 diimmu leamaš biillas.
AF ja Testfakta leat iskan čieža galmmihanbovssa maid galgá biilla sigareahttacahkkehahkii bidjat gitta.
Dát čájeha ahte buot bovssat eai leat nu buorit.
Dáin lea okta boksa mii lea liige buoremus, ja dat eará guhtta fas leat oalle buorit.
Galmmihanbovssa lea vuogas váldit fárrui go lea biillain vánddardeame, muhto das ii leat masa ge ávki jus ii nagot biepmu doalahit galmmasin.
– Dát iskan čajeha ahte leat stuora erohusat dain galmmihanbovssain mat galget biepmuid ja juhkosiid doalahit galmmasin, ja de ávžžuhuvvo ge ahtegeahčat iskamiid mat leat váldon dain, ovdal go oasttát ođđa, dadjá Anette Berve, geavaheddjiidráđđeaddi NAF:as.
Galmmiha buoremusat
Galmmihanboksa, Carwise 24 lihtter Mekonomenis, lea iskama vuoiti.
Dat galmmiha biepmuid jođánit ja birge bures lieggasiin mii lea das birra, ja dat dasa lasisn ii bálljo gullo go lea alde, dadjá Berve NAF:as.
Galmmihanbovssat leat árvvoštallojuvvon das man jođánit galbmojit diimmus ja man galmmas lea maŋŋel go lea njeallje diimmu čužžon, ja maiddái das man guhká bistá galmmasin.
Bovssaid leat maid geahččalan dearpalit, vai oidnet girdet go gahččat láhttái dahje eatnamii.
Heajumus dáin bovssain lea dat mii lei oston Jula nammasaš gávppis.
Dat ii nagodan galbmot earágo 12 galbmagráda rádjai, ja ii gierdan gahččat go luotiluvvui mehterbeali allodagas, go das billahuvai lohkki.
