Suvdin fanas mas 4000 lihttar olju vuojui merrii ikte eahkes Gáivuonas, Romssa fylkkas.
Ikte eahkes vuojui suvdin fanas oktan goaivunmášiinnan merrii Nordneassas. 4000 lihttar olju lei fatnasis go vuojui, dasalássin lea vel goaivunmášiinnas olju.
– Dán rádjái ii leat vel golgan olju merrii, duođašta luoddadoaimmahaga jođiheaddji, Gudmund Løvli.
Leat ain bargamen oaččut fatnasa gáddai, muhto dán rádjái eai leat lihkostuvvan.
– Fanas lea ain mearas, muhto mii geahččalit oaččut dan bajás, lohka Løvli.
