-Almmuhus-
OĐĐASATEai vel gávdnan njoammudansiva

Eai vel gávdnan njoammudansiva

-

-

Dássážii ii leat Unjárgga gielddas registrerejuvvon ođđa koronavirus (Covid-19) njoammudeapmi.

– Eat leat vel gávdnan gos almmái, geas lea duođaštuvvon koronavirus, lea ožžon njoammodávdda, čállá Unjárgga gielda

Persovdnasuodjalanlága geažil ii sáhte gielda buktit ovdan eambbo dieđuid mii sáhttá identifiseret olbmo geasa koronavirus lea njommon gielddas.

Loga maid: Dieđut koronavirusa birra

Dutkamin njoammudansiva

Gielddaváldodoavttir lea dutkamin njoammudansiva. Sii, geat leamaš oktavuođas albmáin geas lea koronavirus, leat ožžon dieđu ja bagadeami doaktáris maid sii galget dahkat.

– Dat mearkkaša ahte sii, geat eai leat gullan maidige dearvvašvuođabálvalusas, eai dárbbaš das beroštit, čállá Unjárgga gielda. 

Čuovo rávvagiid

Unjárgga gielda ávžžuha buohkaid  čuovvut gielddaváldodoaktára ja dearvvašvuođaovddasvástideddjiid rávvagiid.  

Ođasmahttojuvvon dieđuid koronavirusa birra, mo njoammudávda lea leavvan ja jus dus leat eará gažaldagat dávdda ja mearrádusaid ektui, geahča Álbmotdearvvašvuođainstituhta siidduid dahje riŋge diehtojuohkintelefuvdnanummarii 815 55 015.

-Almmuhus-