Norgga Boazosápmelaččaid Riikkasearvi (NBR) biehttala searvamis ID-merken bargojovkui.
Eanadoallo- ja biebmodepartemeanta lea bovden NBR searvat bohcco ID-merkenbargojovkui, NBR lea hilgon bovdehusa. NBR nubbejođiheaddji Inge Even Danielsen čállá reivves ahte NBR lea álggu rájes vuosttaldan evttohusa bákkuin ID-merket bohccuid ja NBR stivra čuovvula riikačoahkkima cealkámuša áššis.
Geassemánus dán jagi dohkkehii Stuorradiggi rievdadit boazodoallolága ja ahte bohccot galget ID-merkejuvvot lassin dálá árbevirolaš bealljemerkii.
