Davvi-Norggas lea viessohuksen geahppánan ja dát leat fuolastuhttán olbmuid.
Vaikko huksendoaimmat ain leat olu Davvi-Norgga huksensajiin, de čujuhit huksenlogut ahte boahtteáigái eai biddjo nu olu huksemat johtui. Olahusjagi 2016 rájes lea doaibmalogut njiedjan jagis jahkái ja diimmá logut nannejit dán dábi. Vaikko viessohuksen jagi 2019 lei badjelis gaskamearálaš loguid maŋimuš logi jagi, de lei oppalaš huksendoaibma vuolábeale gaskamearálaš logu maŋemus logi jagi.
– Leat ain olu huksemat davvi-Norggas. Dattetge oaidnit ahte lohku lea njiedjan jagis jahkái olahusjagi 2016 rájes. Davvi-Norga dárbbaša movttiidahttima vai huksenmokta ja ovdánahttin ain joatká, lohká NESO (Nordnorske Entreprenørers Serviceorganisasjon) dahje Davvinorgalaš entreprenevrraid bálvalusorganisašuvnna direktevra Ruben Jensen.
