Dielddanuoris bulii mánáidgardi gutnan.
Romssa politiijat dieđihit Twitteris ahte iđđesija šadde heahtebálvalusat bijadit Kongsvika mánáidgárdái, Dielddanuorri suohkanis, maŋŋel go bođii diehtu ahte doppe lea buollán.
– Ambulánsabargit báikkis muitalit ahte mánáidgardi lea oalát buollán, čálle álgo Twitterdieđus.
Ođasmahtte
Romssa politiijaguovlu ođasmahtii Twitterdieđu, ja de bođii ovdan ahte ii lean vejolaš gádjut mánáidgárddi ja šadde diktit buollit gutnan.
– Politiijat álggahit dutkama ja leat álgán jearahallat olbmuid geat leat boahtán báikái. Dássážii eai leat makkárge dieđut boahtán manne buollái, čállet Twitterii.
