Dál leat boahtán bohtosat dan 86 koronaiskosis mat disdaga váldojuvvo Hábmera suohkanis.
Hábmera suohkanis leat dán rádjai 18 olbmo buohccán koronadávdii ja sii leat buohkat isolašuvnnas.
Maŋemus jándora eai leat ođđa njoammumat registrerejuvvon.
Disdaga válde koronaiskosa 86 olbmos ja ođđabeairuohta dieđiha suohkan ná:
– Buot 86 iskosa maid disdaga válddiimet leat negatiivvat, lohká sátnejođiheaddji Britt Kristoffersen Hábmer suohkana neahttasiiddus.