Juohke goalmmát bargi bargá badjeláiggi nuvttá.
Juohke goalmmát bargi vástida ahte bargoáigi, man čađaha olggobealde dábálaš bargoáiggi, ii registrerejuvvo, čájeha YS bargiidsearvvi ođđa bargoeallinguorahallan.
– Dat mearkkaša ahte juohke goalmmát bargi badjeláigi ii registrerejuvvo ja ahte eai oaččo mávssu dan ovddas, dadjá YS Negotia lihtu jođiheaddji Monica A. Paulsen.
Barget badjel logi diimmu
Guorahallan čájeha maiddái ahte juohke logát bargi bargá eanet go logi diimmu beaivái dávjá dahje álohii.
Bargobirasláhka gieldá gohččojuvvon badjeláiggi bargamis eanet go logi diimmu čieža beaivvis, 25 diimmu njealji vahkkus ja 200 diimmu jahkái.
– Mis leat miellahtut geat dieđihit ahte bargoaddit eai meroštala bargoáiggiid nu dehálažžan ja dalle lea vejolaš heivehit bargoáiggiid. Dat mearkkaša ahte bargit dávjá ožžot unnit mávssu jus barget badjeláiggi, čilge Paulsen.
Galget oažžut mávssu
YS Negotia lihtu jođiheaddji deattuha ahte bargiin lea vuoigatvuohta oažžut bádjeláiggemávssu.
– Dieđusge galgá badjeláigi registrerejuvvot ja bargit galget oažžut mávssu dan ovddas. Guorahallama bohtosat čájehit ahte olu bargosajit meddet bargodábiid ektui, ja dat lea leamaš hástalussan olu jagiid. Mii árvvoštallat bivdit Bargobearráigeahču geahčadit man láhkai dan sáhttá buorebut bearráigeahččat ovddos guvlui, lohká Paulsen, gii jáhkká ahte vel eambbosat barget nuvttá badjeláiggi.
(©NTB)
