-Almmuhus-
-Almmuhus-
-Almmuhus-
Beassážat 2022Eai nu stuora vuoittut go dábá­laččat, muhto oaggun­gilvu gal šaddá 

Eai nu stuora vuoittut go dábá­laččat, muhto oaggun­gilvu gal šaddá 

-

-

Nu go maŋemus jagiid, de lágida Guovdageainnu Faláštallansearvi dán jagi maid oaggungilvvu Suohpatjávrris skilleduorastaga. Dán jagi eai leat nu stuora vuoittut go dábálaččat lávejit gilvobileahtain. 

Lágideddjiid bealis muitala Marit Aune Buljo ahte gilvvut leat sakka unniduvvon ovddit jagiid gilvvuid ektui:

– Mis ii leat leamašan dilli, iige kapasitehta organiseret stuorebuš lotteriija ovdal gilvvuid nu go lávet, lohká Aune Buljo. 

Vaikko eai leat lotteriijas dat hui stuora vuoittut dán jagi, de lea vejolaš vuoitit bileahtain dán ge jagi:

– Vaikko ii šatta biila iige skohter, de dáidit nagodit čohkket muhtun buriid vuoittuid, lohpidit lágideaddjit. 

Gilvobáiki lea davágeahčen Suohpatjávrri ja gilvvut álget diibmu 12.00 ja loahpahuvvojit diibmu 15.00. Suohpatjávri lea 10 km lulábealde Guovdageainnu márkanbáikki.

-Almmuhus-