Stáhta ii áiggo šat máksit hávdádusaid ovddas go dehálaš kultur- ja servvodateallima olbmot jápmet. Seammás mearridit bisuhit ortnega mii guoská politihkkáriidda ja gonagasvissui.
Dás rájes máksá stáhta dušše gonagaslaččaid ja sii geat leat stuoradiggeáirasiid, ovddeš stáhtaministariid ja alimusrievtti justitiáriusiid hávdádusaid goluid.
– Rievdadusat dahket dili eanet vuordevažžan vai diehtit goas ortnet galgá doaibmat. Dán rádjái lea leamaš árvvoštallanášši ja lea leamaš váttis gieđahallat dan vuoiggalaččat, lohká kulturministtar Lubna Jaffery NTB:i.
Gudnejahttit eará vugiin
Ráđđehus áigu ain gudnejahttit sin geat vádjolit, muhto dat lea eará vugiiguin.
– Midjiide lea dehálaš leat mielde, juo go lieđđegierdu sáddet, searvat hávdádussii dahje doallat sártni ráđđehusa ovddas, čilge Jaffery.
– Manne galget politihkkáriidda doalahit dán ortnega?
– Dat geaidda ortnet guoská dál, eai leat nu gallis ja leat dahje leat leamašan stáhta njunnošat, čilge Jaffery.
– Go vuos rievdadehpet ortnega, manne de ehpet sihkás oalát olles ortnega?
– Váldohástalus dán ortnegis lea go ortnet lea árvvoštallama duohken, áššis áššái. Ortnet guoská dál sidjiide geat leat demokratiija bokte leamaš njunuš rollain. (©NTB)
