Finnmárkku politiijat dieđihedje disdatiđida Twitteris ahte sii leat ohcame láhppon olbmo Anárjoga álbmotmeahcis. Davvi-Norgga váldogádjunbálvalus duođašta ahte leat ain ohcame olbmo, ja ahte sii sávvet gávdnat olbmá buori vuoimmis.
Finnmárkku politiijat dieđihedje disdatiđida Twitteris ahte sii leat ohcame láhppon olbmo Anárjoga álbmotmeahcis. Davvi-Norgga váldogádjunbálvalus duođašta ahte leat ain ohcame olbmo, ja ahte sii sávvet gávdnat olbmá buori vuoimmis.
Politiijat ja Davvi-Norgga váldogádjunbálvalus bidje disdaga čuovganeapmái SeaKingain ohcat olbmo Anárjoga álbmotmeahcis.
Davvi-Norgga váldogádjunbálvalusa muitala ahte sii leat ohcan ija miehtá SeaKingain, eai ge leat gávdnan olbmá.
– Dál lea «Norsk aero klubb» girdime guvlui, ja go ollejit, de álget ovttatmano ohcat olbmá, muitala Davvi-Norgga váldogádjunbálvalus.
Ohcan ijá
Davvi-Norgga váldogádjunbálvalus muitala ahte sii leat juo ohcan bajit oasi Kárášjogas Suoma ráji guvlui.
– Dál mii áigut joatkit ohcamiin nuorttas guvlui Anárjogas Áŋŋela guvlui, čilge Davvi-Norgga váldogádjunbálvalus.
– Mii diehtit ahte olmmai lea badjelaš 30-jahkásaš, ja ahte son lea hárjánan vánddardit, lasiha Davvi-Norgga váldogádjunbálvalus.
Bohtosiid haga
– Jus mii leat ain bohtosiid haga go dán ohcama leat čađahan, de šaddat fas gohččut SeaKinga.
Mii fertet dalle árvvoštallat ođđasit ášši, ja gos de álgit ohcat, muitala Davvi-Norgga váldogádjunbálvalus.
– Mis leat dieđut ahte olbmás lea mielde alit kajáhkka, nu ahte de lea ohcan organiserejuvvon dan vuođul gokko mii doaivut son sáhttá mannan kajáhkain, čilge Davvi-Norgga váldogádjunbálvalus.
