-Almmuhus-
SMÁVVAOĐĐASATEai leat viesut báhtareddjiide 

Eai leat viesut báhtareddjiide 

-

-

Unjárgga gielddas oidnet hástaleaddjin vuostái váldit eanet báhtareddjiid dán jagi. 

– Mii leat váldán hui oluvuostá  eará gielddaid ektui, ja nu maiddái  min olmmošlogu ektui. Mis eai leat šat otná beaivvi mielde viesut  gielddas ahte vuostái váldit eanet báhtareddjiid, dadjá Unjárgga gieldda sátnejođiheaddji Knut Inge Store iFinnmark aviisii. 

Mannan jagi Unjárgga gielda válddii vuostá 30 báhtareaddji. Loahpageahčen 2022 Norgga ráđđehus almmuhii ahte visot gielddat galget ráhkkanit vuostái váldit vel 35 000 báhtareaddji 2023:s. Lea Integreren- ja máŋggabealatdirektoráhtta (IMDi) mii čađaha integrerenpolitihka Norgga ráđđehusa ovddas ja sádde buot gielddaide váldit vuostá báhtareddjiid. Dan ásahusa ruovttosiiddu mielde Unjárgga gielda galggašii váldit vuostá 50 báhtareaddji dán jagi, muhto ášši ii leat vel meannuduvvon gieldda politihkalaš dásis. 

Kárášjoga gieldda stivračoahkkin ovdal juovllaid mearridii váldit gitta 15 báhtareaddji. Kárášjoga gieldadirektevra, Kurt Maurstad čilgii dalle sivvan lea dat go váilot viesut.

Loga maid:
Káráš­johka gearggus váldit vuostá eambbo báhta­reddjiid  

-Almmuhus-