-Almmuhus-
-Almmuhus-
-Almmuhus-
OĐĐASATEai leat guokte luođi mat gilvalit Eurovisionis

Eai leat guokte luođi mat gilvalit Eurovisionis

-

-

Jon Henrik Fjällgrenas lei stuora gilvaleaddji Melodifestivalen ovdagihtii oddsaoiddoha John Lundvika vuostá, gii vuittii Ruoŧa finála lávvordateahkeda.

John Lundvik oaččui 12 čuoggá juohke riikkajurys, mii lea alimus boađus maid sáhttá oažžut sis. Oktiibuot gárte sutnje 96 čuoggá riikkajuryin. Go álbmotjienaid lei ožžon, de ledje sus loahpas 181 čuoggá, ja dainna de vuittii lávlungilvvu Stockholmas. 

 

Dál beassá ovddastit Ruoŧa go lávke oassefinála lávdái miessemánu 16. beaivvi Tel Aviv gávpogis Israelas, su lávlagiin «Too late for love».

Norgga ovddasteaddjit KEiiNO joavkkus leat maid seamma eahkeda gilvaleame, earret eará Ruoŧa vuostá, beassat váldofinálii mii lea guokte beaivvi maŋŋel oassefinála.

 

Ii ožžon doarvái čuoggáid

Jon Henrik Fjällgren ii ožžon beare galle čuoggá riikkajuryin, ja nu gárttai vuolemussii boađuslistui 19 čuoggáin su lávlagiin «Norrsken» (Goeksegh).

Go oaččui álbmotjienaid, de easkka loktanii goalmmát sadjái, maid gárttai juogadit Mohombiin.

Dalle ledje čoggon 74 čuoggá sudnuide.

 

Dá oainnát olles listtu čuoggáiguin:


Šearbmagovva wikipedias.

 

Lea goalmmát geardde go Fjällgren gilvala Melodifestivalen gilvvus, ja son lea ge ovdal fasken sihke nuppi ja goalmmát saji dáin gilvvuin.

Vuosttaš geardde searvvai  2015:s lávlagiin «Jag är fri (Manne leam frijje) ja šattai nubbin.

 2017:s searvvaiga  Jon Henrik Fjällgren ja Aninia lávlagiin «En varld full av strider (Veareldegusnie jeenh vigkieh)» ja bođiiga goalmmát sadjái.

 

 

-Almmuhus-