Dušše bealli norgga studeanttain dovdet gearggusin lávket bargoeallimii.
Badjelaš bealli studeanttain leat vástidan iskkadeami oktavuođas ahte oahpahus lea bures ráhkkanahttán sin bargoeallimii, dan čállá SSB.
Studeanttat geat gazzet oahpaheaddjioahpu ja pedagogihka dovdet eanemus gearggusin lávket bargoeallimii maŋŋá go gerget oahpuin. Sii geat dovdet ahte eai oahpa olus bargoeallimis leat sii geat studerejit giela, dáiddafágaid, servodatfága, journalistihka ja diehtojuohkima. Iskkadeapmi čájeha maid dan ahte leat eanet nissonolbmot geat dovdet eahpesihkarvuođa lávket bargoeallimii.
Suomas, Islánddas, Ruoŧas ja Dánmárkkus lea eará dilli. Doppe lea čađahuvvon seamma iskkadeapmi, muhto doppe lea studeanttain buoret dovdu. Ruoŧas vástidedje 65 proseantta studeanttain ahte oahpahus ráhkkanahttá sin bures bargoeallimii.
(©NTB)
