Álttá suohkanis čállet sáme, kvena- ja dárogiel namaid beakkán «10-toppers» várrečohkaide, muhto muhtun várrečohkain eai leat dohkkehuvvon namat. Earret eará Dálbmeluovtta Bjørkelitind várrečohkas.
Beakkán várrečohkat maidda ollugat gakcot Álttás sihke geasset ja dálvet galget dál čállot golmma gillii.
Muhto dál ii leat buot 10 várrečohkas dohkkehuvvon namma. Báikenamat maid Álttá suohkan geavaha ferte almmolaččat dohkkehuvvot. Álttá suohkan čállet ruovttusiiddus ahte Kartadoaimmahagas leat dan namas bidjan johtui nammaášši, ja mo oassi 10-toppers várrečohkain namat čállojit dáru, sáme- ja kveanagillii.
Áigemearri čakčamánus
Ovtta dán logi várrečohkas mas ii leat dohkkehuvvon sámegielnamma lea Bjørkelitind. Várri lea Dálbmeluovttas, Álttá suohkanis. Gulaskuddanáigemearri lea čakčamanu 1.beaivvi.
