Álbmotdearvvašvuođainstituhtta dieđiha ahte influeansaboahkku lea nohkame Norggas, ja dál šaddet ráddjet gii oažžu boahku.
Koronapandemiija geažil lea leamaš earenoamáš ollu jearru influeansabohkkui. Álbmotdearvvašvuođainstituhtas (FHI) leat sullii 60 000 boahku vel olbmuide geat leat riskajoavkkus ja dearvvašvuođabargiide, danne lea dál bággu juohkit daid maŋemus boahkuid sidjiide geat duođaid dárbbašit dan.
– Mii leat ožžon dieđuid sihke suohkaniin ja dearvvašvuođabargiin ahte eai leat doarvái influeansaboahkut. Sii dieđihit maid ahte lea váttis diehtit geasa galgá vuoruhuvvot boahkku, muitala Álbmotdearvvašvuođainstituhta seniorráđđeaddi Kjersti Rydland.
Olu suohkanat ja dearvvašvuođafitnodagat leat geahččalan čakčat diŋgot liigeinflueansaboahkuid, muhto ii leat meinnestuvvan, ja leat erohus gos Norggas váilot influeansaboahkut.
