Bivdu lea nohkan, muhto ii oktage geatki leat báhččon Tåssåsen čearu guovllus.
Gaskamuttus skábmamánu mearridii Naturvårdsverket Ruoŧa bealde addit liseansabivddu báhčit 15 geatkki Jämtlánddas.
Bivdu nogai juovlamánu 31. beaivvi, muhto ii oktage geatki leat báhččon dan mánus go lei lohpi bivdit.
– Mis leat gumppet mat spedjet ealu ja dat lea dahkan ahte mii eat leat oba astan ge getkkiid bivdiid. Gumpe váldá buot min áiggi. Mis lea doaivva oažžut ođđa bivdolobi maŋŋel, muhto dat galggašii árabut álgit, ealgabivddus juo, dadjá Tåssåsen čearu ságadoalli Nicklas Johansson SVT Sápmái.
