Finnmárkku Fylkkamánni balahii muhtin boazodolliid geahččalan čiehkat eallobihtá. Dál čájehuvvo ahte lohkkit dat oidne vearrut seavdnjadasas
Finnmárkku Fylkkamánni balahii muhtin boazodolliid geahččalan čiehkat eallobihtá. Dál čájehuvvo ahte lohkkit dat oidne vearrut seavdnjadasas
Otná báberáviissas lea mis váldoáššin dat go Finnmárkku Fylkkamánni balahii ahte muhtin orohaga boazodoallit Guovdageainnu bealde, ledje geahččalan čiehkat eallobihtá ja ahte almmolaš lohkan nu ii leat mannan riekta.
Ikte eahkes dieđihii goittot ge TV2, guhte maid lea dán ášši birra čállán, ahte Fylkkamánnis eai leat nagodan duođaštit ahte ná galgá leat geavvan lohkamin.
Dát dieđut bohte easka maŋŋil go min báberáviisa lei sáddejuvvon deaddileapmái.
Seavdnjadasas eai leat oaidnán
Duorastaga girde helikopteriin ja vudje skohteriiguin duođaštan dihte dan maid navde leat verrošeapmin, dál čájehuvvo ahte dát lei boasttuipmárdus.
– Vuossárgga áicui stuorra čora gos bohccot eai lean merkejuvvon nu mo galget. Duorastaga finaimet fas báikkis, ja soaitá leamaš seavdnjadas mii lea dagahan boasttu ipmárdusa. Bohccot ledje merkejuvvon, muhto seavdnjadasas lei dan váttis oaidnit. Mun šállošan go gárttai nu ahte balaheimmet boazodolliid verrošan, lohká Fylkkamánni boazodoalloossodaga direktevra Trond Aarseth TV2:i.
