Sirbmá valáštallansearvi dieđiha dálkki geažil eai sáhtte lágidit gilvvuid Rástegáisái.
Lávvardaga suoidnemánu 16. beaivvi galggai gilvu Rástegáisái lágiduvvot.
– Dálkedieđáhus ii lean min mielde dán jagi ja mii eat dađibahábut sáhte lágidit gilvvu #Rástegáisái2022 mii galggai leat 16.07.22. Buohkat geat leat ovdagihtii dieđihan oassálastima leat ožžon dieđu sms bokte, muhto mii liikká ávžžuhit hárjehalliid ja viehkkiid váldit mátki Rástegáisái jus dálki lea buorre. «Min» láhtu sáhttá geavahit, čállá Sirbmá valáštallansearvvi jođiheaddji Monica Balto Anti.
Gilvvus lávejit dábálaččat leat golbma oasi hárjehallanluohkás ja lea vejolaš searvat iešguđetge gaskkaide. Vuosttaš moalla lea Darjoga bokte, nubbi moalla lea Rášša vuolábealde ja goalmmát moalla lea Rástegáissá várrečohkas. Elihtajoavku ges oassálastá vuostálatviehkan luohkkái mii lea juhkkojuvvon sohkabeliid ja golmma ahkeluohkkái, dán joavkkus galggai leat moalla várrečohkas.
