Buohkat vurdet muohttaga juovllaide. Seammás bođii muohtauđasvárrehus máŋgga guvlui riikkas.
Sihke davvin, máddin ja oarjin lea sáddejuvvon muohtauđasvárrehus duottarguovlluide.
– Ii dárbbaš guhkás alážii mannat ovdal go arvi rievdá borgan. Leat maiddái muohtauđasvárrehusat máŋgga sajis maid sáhttá čuovvut mielde varsom.no neahttasiiddus, dadjá Meteorologalaš instituhta meteorologa Magnus Ovhed.
Son lasiha ahte lea dábálaš ahte dán muttus áigge bohtet muohtauđasvárrehusat.
– Duoddaris borgagoahtá jo árračavčča, ja jus leat garra borggat, de bohtet muohtauđasvárrehusat árabut, čilge son.
Árvádallan
Meteorologa ii sáhte lohpidit muohtaga juovllaide.
– Leaš oaidnit. Maŋimuš jagiid lea leamaš nu ahte jus háliida muohttaga, de ferte bissut Davvi-Norggas dahje beassat alážiidda, dadjá Ovhed.
Danne lea árvádallan gos lea stabiila muohtamearri Østlánddas, Vestlánddas ja Sørlánddas.
Fiertu davvin
Davviguovlluin riikkas lea lohpiduvvon fiertu.
Møre ja Romsdalas ja Trøndelágas sáhttá maid fiertu sihke lávvardaga ja sotnabeaivvi.
– Lávvardaga orru šaddame beaivvádat. Ii leat stabiila, go njuoskkadatguovllut leat áiton sihke Ruoŧa bealde, davvin ja máddin, muhto dat sáhttá geassádit jođánit, jeđđe Ovhed.
Dat guoská maid Davvi-Norgii, gos lea vuogas bieggahálti Nordlánddas, Romssas ja osiin Finnmárkkus.
– Dáppe soitet maid šaddat fiertoáigodagat sihke lávvardaga ja sotnabeaivve. Lea ain oalle bivval, vaikke leat minusgrádat dan oasis riikkas, dadjá meteorologa.
(©NTB)
