Norgga ráđđehus dieđiha sii dál leat čoavdán Gaske-Nøørjen Samienskovle dahje Gaska-Norgga sámeskuvlla ášši Aarbortes.
Norgga ráđđehus dieđiha sii dál leat čoavdán Gaske-Nøørjen Samienskovle dahje Gaska-Norgga sámeskuvlla ášši Aarbortes.
Jagi 2016 bušeahta oktavuođas mearridii Stuorradiggi heaittihit stáhta jođihuvvon sámeskuvllas Aarbortes.
Ođasmahtton 2016 našunála bušeahta oktavuođas sohpe ráđđehusa ovttasbargoguoimmit jođihit skuvlla jagi velá.
Skuvla galgá šaddat buorebun
Dál lea ráđđehus gávnnahan ahte stáhta oamasteapmi lea buorre čoavddus ja ahte skuvlla gáiddusoahpahus galgá ovdánahttot ja juksat eambbo mátta-sámegiel ohppiid, dieđiha Máhttodepartemeanta.
Máhttoministtar Torbjørn Røe Isaksen čilge skuvla galgá šaddat buoret ja šaddat mátta-sámi ohppiide ávkin.
Dál eai leat skuvllas alddis oahppit olles áiggi, muhto fállá gáiddusoahpahusa ja gielladeaivvademiid 50 mátta- ja davvisámegiel ohppiide Norggas ja Ruoŧas.
