-Almmuhus-
OĐĐASATEai hálit váikkuhusguorahallama

Eai hálit váikkuhusguorahallama

-

-

44 proseantta Davvi-Norgga álbmogis eai hálit váikkuhusguorahallama Lofuohtas, Viestterállasis ja Sáččás, čájeha iskkus man Nordlys aviisa lea čađahan.

Álbmotakšuvdna illuda iskosa bohtosiiguin.

– Mii leat čađat váruhan olbmuid váikkuhusguorahallama čađahit, go dat rahpá vejolašvuođa álggahit oljobohkama. Dál cealká álbmot čielgasit maid oaivvildit, lohká Álbmotakšuvnna jođiheaddji, Bente Kristine Lorentzen.

 

Eai šat hálit váikkuhusguorahallama

Ovddit iskosat čájehit eanetlogu oljobohkamiid vuostá Lofuohtas, Viestterállasis ja Sáččás, muhto eanetlohku lei háliidan váikkuhusguorahallama dalle. Ođđa iskkus čájeha ahte Davvi-Norgga álbmot ii hálit váikkuhusguorahallama dál šat.

– Mii diehtit doarvái makkár váikkuhusat leat jus bohket oljju dáin guovlluin. Politihkkarat fertejit oaidnit dáid signálaid ahte olbmot háliidit oljokeahtes boahtteáiggi, lohká Álbmotakšuvdna preassadieđáhusas.

 

– Ferte gullat álbmoga

Boahtte vahkkoloahpa lea Romssa Bargiidbellodagas jahkečoahkkin Romssas gos áigot digaštallat galget go sii dohkkehit váikkuhusguorahallama Lofuohtas, Viestterállasis ja Sáččás. Bargiidbellodaga nuoraidorganisašuvdna AUF lea čielgasit addán dieđu ahte Bargiidbellodat ferte gáibidit oljokeahtes Lofuohta, Viestterállasa ja Sáččá.

– Bargiidbellodat ferte gullat maid álbmot háliida, máhtu, guolásteddjiid ja iežaset nuoraid, loahpaha Bente Lorentzen.

-Almmuhus-