Guovttis logi olbmos eai geavat goasse oaivesuoji sihkelasttedettiin. Dat vuorjašuhtte Trygg Trafikk.
Trygg Trafikk ja Tryg Forsikring leat diŋgon iskkadeami mii čájeha dáid loguid. Vaikko eatnasat geat sihkkelastejit geavahit oaivesuoji, de leat ain oallugat geat eai daga dan.
– Fuolastuhtte ja vuorjá min go nu máŋggas eai vel daga dan. Lea dárbu rievdadit guottuid oaivesuojigeavaheami ektui, dadjá Ann-Helen Hansen Trygg Trafikk preassadieđáhusas.
Vaikko bohtosat čájehit ahte birrasii 66 proseanta sihkkelastiin geavahit oaivesuoji, de eai leat Trygg Trafikk ovddasteaddjit duhtavaččat. Dat geat šaddet bárttiid sisa sihkkeliin nordadit dávjá oaivvi. Danne sávvá Trygg Trafikk ahte buohkat geavahišgoađáše oaivesuoji.
