Politiijat leat heaittihan ášši mas muhtin áittii bombet Norwegian girdi mii lei jođus Áltái.
Dán jagi guovvamánu 27. beaivvi áittii muhtin bombet Norwegian girdi mii lei mannamin Áltái.
Finnmárkku politiijat leat dutkan ášši ja leat viggan gávnnahit gii dat sáddii bombaáitaga interneahta bokte.
– Dutkamat čájehit ahte son guhte sáddii bombaáitaga geavahii interneahta muhtin oahpahusinstitušuvnnas Suomas, dadjá Finnmárkku politiijaid bajitbálvá Torstein Pettersen.
Váttis gávdnat sivalačča
Politiijat heaittihit ášši danin go eai nákce gávnnahit gii dat áittii bombet girdi.
Šaddá menddo hástaleaddjin politiijaide go nu oallugat geavahit seamma interneahta.
– Sus dahje sis geat áite bombet girdi eai soaitte leamaš makkár ge ulbmilat dainna, eai ge soaitte diehtán ahte leat stuora váikkuhusat go áitá dainna lágiin, dadjá Pettersen.
Finnmárkku politiijaguovlu lea addán buot áššedieđuid Suoma politiijaide ja ávžžuhit sin čuovvulit dutkama.
(©NTB)
