Måeffies leat evakueren vuojadanhálla go gávdnui imašlaš ja amas diŋga, dieđihit Nordlándda politiijat. Oslo bombajoavku lea gohččojuvvon boahtit. Dattetge ii lean bomba maid gávdne.
Politiijat muitalit Rana Bladii ahte sii leat sotnabeaivvi maŋŋelgaskabeaivvi evakueren ásodagaid mat leat gitta 250 mehtera eret Moheia astoáigebáikkis, gos lea vuojadanhálla ja lášmmohallanhálla.
Astoáigepárkkas ledje 600 olbmo.
– Mii ohcat dihto vearredahkki maŋŋel dáhpáhusa, muitala Nordlándda politiijaguovllu operašuvdnajođiheaddji Ivar Bo Nilsson.
Okta váldon gitta
Nilsson muitala ahte politiijat hálddašit dan diŋgga dál, ja lohká ahte dat lea ruoná seahkka mas leat rávdnjefievrredeaddjit mat geaigájit olggos. Seahka siste lei čáhppes boksa.
Aviisa muitala ahte seahkka lei guđđon báikái gos Jehova vihtaniin lei čoahkkin. Moheia astoáigepárkka bargit gudde seahka olggos, ja de fuomášedje daid rávdnjefievrrededdjiid mat geaigájedje dan seahkas.
Bombajoavku bođii Oslos Måeffiei, ja ollejedje diibmu 21 sotnabeaieahkeda. Guovllu ássit, geat leat šaddan evakueret, leat ožžon fáladaga idjadit hoteallas dán ija, čállá Rana Blad.
Politiijat leat váldán gitta dievddu akšuvnnas, dieđiha Rana Blad sotnabeaivvi eahkedis.
(©NTB)
