Álttá sátnejođiheaddji Monica Nielsen ávžžuha ahte álbmot eai čoahkkan stuorát joavkun ja čoakkalmasaide.
Altaposten čállá ahte sátnejođiheaddji ávžžuha ahte olles Álttá álbmot čuovvu rávvagiid mat leat addojuvvon. Ii galgga čoahkkanit stuorát sosiála čoakkalmasaide, russadoaluide, barttaide ja riegádanbeivviide.
– Hásttán buohkaid čuovvut válddahusaid ja váldit dilálašvuođa duođalaččat. Dál fertet buohkat bargat dan maid sáhttit vai ráddjet njoammuma. Dát lea sin birra geat leat rašit servodagas. Ii leat geatnegas jos ii čuovo daid, ja mii fertet smiehttat sin birra geat vásihit dán garrasabbot go earát. Mii fertet leat mielde oktasaš viggamušas, dadjá Nielsen.
Sátnejođiheaddji maid namuha ahte eatnašat leat čeahpit čuovvut válddahusaid.
