Bearjadaga rájes sáhttá NAV dohkkehit buohcandieđáhusa vaikko ii leat doavtterduođaštus.
Dán almmuhii ráđđehus bearjadaga.
NAV ii dárbbat šat gáibidit duođaštusa doaktáris go galgá dohkkehit buohcandieđahusa. Dat leat oassin dain ođđa heahtedoaibmabijuin, gos stáhta máksá buozalmasjávkama njealját beaivve rájes koronavirusa dihte.
Buohkat geat leat erremis dahje leat buohccit nu ahte eai dárbbaš doaktárveahki, ávžžuhuvvojit sihtat bargoaddi dohkkehit iešdieđáhusa olles dan dábálaš bargoaddiáigodagas mii lea16 beaivve, čállá departemeanta preassadieđáhusas.
Dehálaš diehtu bargiide lea ahte oaneheappo bargoaddiáigodat ii gáržžit otnáš lobi geavahit iešdieđáhusa.
– Dat mearkkaša ahte bargoaddi sáhttá dohkkehit iešdieđáhusa olles dan bargoaddiáigodahkii mii lea 16 beaivve, go NAV ii sáhte de maŋŋelaš gieldit buhtadeames buohcanruđa danin go bargi geavahii iešdieđáhusa iige doavtterduođaštusa, dadjá bargo- ja sosiálaministtar Torbjørn Røe Isaksen (O).
Ii oktage galgga gillát go geavahit iešdieđáhusa, vaikko vel leaš bargoaddi dahje bargi, lasiha son.
Doaibma galgá geahpidit dili fástadoaktárii ja doavttervávttaide, nu ahte sii sáhttet geavahit áiggi veahkehit pasieanttaid mat dárbbašit dearvvašvuođaveahki.
(©NTB)
