-Almmuhus-
KULTUVRAEai dohkket máksingáibádusa

Eai dohkket máksingáibádusa

-

-

Iver Jåks viessu Kárášjogas lea mieskan ja viessu lea giddejuvvon. Kárášjoga gielda lea álgán divodit robi, Sámi Dáiddárráđi (SDR) čujuha reivves ahte geassemánu čoahkkimis ii daddjon ahte SDR galgá máksit goluid, muhto gielddas leat olbmot geat dahket barggu.

Sámi Dáiddárráđi (SDR) stivrras ja Kárášjogas gielddas leamašan čoahkkin geassemánus diibmá, mas fáddá leamašan Iver Jåks viessu Kárášjogas.

SDR bealis oassálasttiiga Biret Ristin Sara ja Karen Anne Buljo, Kárášjoga gieldda bealis fas sátnejođiheaddji Svein Atle Somby ja teknihkalaš ossodaga jođiheaddji Helge Nystad.

Sámi Dáiddárráđis leamašan kantuvra Iver Jåks viesus, muhto šadde fárret go viessu lei visot mieskan ja rohpi lei gahččamin.

 

Ovddidan evttohusaid

SDR stivra lea dál sádden reivve gildii mas čállet ahte sii čoahkkimis bukte ovdan máŋga evttohusa dálu sisdollui.

Kárášjoga gieldda bealis lohpiduvvui earret eará ahte sii áigot veahkkálaga SDR:in gávdnat čovdosa mii lea buot buoremus buohkaide áššis.

 

Eai dohkket máksin gáibádusa

Juovlamánus leamašan fas čoahkkin gos galgá boahtán ovdan ahte SDR galgá máksit Iver Jåks viesu divodangoluid maid lea bálkáhan muhtin fitnodaga dahkat.

Čoahkkimis ii boahtán ovdan man stuoris supmi lea, muhto SDR stivra čállá reivves ahte sii eai sáhte dohkkehit ahte sii galget divodangoluid máksit.

SDR čállá sii leat geassemánu čoahkkimis jo deattuhan ahte sis lea gáržžes ruhtadilli eai ge suitte gádjut dálu gahččamis, ja dan oktavuođas bođii fálaldat ahte gielda sáhttá veahkehit SDR.

SDR čállá sin áddejupmi lei ahte Kárášjoga gielda galgá gokčá divvungoluid.

 

-Almmuhus-