-Almmuhus-
-Almmuhus-
-Almmuhus-
OĐĐASATEai dáhto ovttastuvvot

Eai dáhto ovttastuvvot

-

-

Dat gielddat mat ikte meannudedje gielddaid ovttastumiid Finnmárkkus, mearridedje buohkat ahte eai dáhto ovttastahttot eará gielddaiguin.

Ikte jienastedje gávcci gielddastivrra Finnmárkkus ahte háliidit go ovttastuvvot eará suohkaniiguin. Buot gielddat mearridedje ahte háliidit ain bissut sierra gieldan.

 

Eai hálit

Dát gielddat jienastedje ikte: Muosát, Láhppi, Ákŋoluokta, Bearralváhki, Deatnu, Porsáŋgu, Kárášjohka ja Guovdageaidnu.

Dasa lassin ledje vel Unjárggas ja Fálesnuoris ovdagoddečoahkkimat ikte, gos ovdagottit mearridedje ahte eai dáhto ovttastuvvot eará gielddaiguin, čállá NRK.

Unjárggas lea maid leamaš álbmotjienasteapmi gos álbmot ii dáhtton ovttastuvvot eará gielddain. 

Gielddastivrrat Fálesnuoris ja Unjárggas dahket loahpalaš mearrádusaid geassemánu 23. beaivvi.

 

Sáhttet bákkus ovttastuvvot

Vaikke gielddat leat ge cealkán ahte háliidit bissut sierra gielda, de sáhttá fylkkamánni liikká ávžžuhit ođđa stuorragielddaid ásahuvvot Finnmárkkus.

– Čuovvovaš mánuid galgá fylkkamánni geahčadit daid mearrádusaid mat leat dahkkon, ja boahtit iežas ávžžuhusain das makkár Finnmárkku gielddakárta galggašii leat olggosoaidnit, muitala fylkkamánni Gunnar Kjønnøy NRK:i.

 

 

-Almmuhus-