Nuorat geat beroštit borrandábiin eai čuovo borrandáhperávvagiid borrat unnit buoiddi, muhto barget baicce nuppeládje.
Forskning.no čállá ahte lea guhká rávvejuvvon unnidit buoideborrama. Sivvan dasa lea go gallehuvvon buoidi addá eanet riskka váibmosivaide, ja lea dat biebmoávnnas mas lea eanet energiija juohke grámmas.
Earát fas oaivvildit nuppeládje, go oaivvildit ahte lea eanet dearvvašlaš unnidit karbohydráhtaid borramis. Linnèallaskuvlla dutkit Ruoŧas lea dutkan biebmostudeanttaid borrandábiid, ja oidnet ahte 2002:s gitta 2017 radjái leat rievdan borrandábit. 2017:s borre eanet buoiddi ja unnit kárbohŧdráhtaid go ovdal.
Buorre váikkuhus
Dutkit maid gávnnahedje ahte das ii lean heajos váikkuhus buoidesivrii. Sis lei eanet D-vitamiidna, ruovdi, folat ja kalium go álbmogis gaskamearálaččat. Maiddái fiber. Forskning.no dieđuid mielde maid lea Norggas seamma ovdáneapmi.
