Stáhta geaidnodoaimmahat dieđiha ahte eai čađat ovttage vuodjingeahččaleami cuoŋománus ja miessemánus.
Dát diehtu guoská buot vuodjingeahččalemiide.
– Duogážin go heaittihit buot diŋgojuvvon geahččalemiid mat galge leat miessemánus, lea go kandidáhtat eai leat čađahan doarvái oahpahusa nu ahte sáhttet čađahit geahččaleami. Mii heivehit nu ahte kandidáhtat geat dál eai beasa čađahit dan geahččaleami, ja leat geargan olles oahpuin, galget vuoruhuvvot go fas álggahit doaimma, lohká Stáhta geaidnodoaimmahaga ossodatdirektevra Henning Harsem preassadieđáhusas.
Álggahit fas go leat gergosat
Stáhta geaidnodoaimmahat álggaha vuodjimiid fas nu jođánit go nagodit deavdit buot gáibádusaid mat gusket njoammuneastadeapmái.
– Mii bargat áššiin dađimielde. Dat máksá ahte sáhttet čađahuvvot vuodjingeahččaleamit dan áigodagas go diŋgojumit leat biddjojuvvon eret, lohká Harsem.
Stáhta geaidnodoaimmahat dieđiha maid preassadieđáhusas ahte eanet dieđuid almmuhit sin neahttasiiddus.