-Almmuhus-
-Almmuhus-
OĐĐASATEai buvttat ollásit guokte proseantta ge

Eai buvttat ollásit guokte proseantta ge

-

-

Buot dan elfámus maid Norga buvttada, de buvttaduvvo measta guokte proseantta bieggafápmorusttegiin.

Bieggafápmu dagaha unna proseantaoasáža Norgga obbalaš elfápmobuvttadeamis. 

Diibmá lei 1,9 proseantta bieggafápmu.

 

– Dábálaš

Duorastaga ovdanbuvttii Norgga čáhcádat- ja energiijadirektoráhtta (NVE) bieggafámu raportta.

Raporta čájeha ahte ii goasse leat buvttaduvvon eambbo go diibmá. NVE ráđđeaddi David Edward gal lohká diimmá jagi dábálaš jahkin.

– Lei oalle dábálaš jahki, ja buvttadanindeaksa lei 2 proseantta badjelis dábálaš meari, lohká son Syslai.

 

Heajos bieggadilli

2016 lei heajos bieggafápmojahki, ja NVE logai dat lei heajos bieggadili dihtii. 

Diibmá lei veahá buoret, muhto ii áibbas buorre.

 

Eambbo rusttegiid ásahan

Obbalaš buvttadeapmi lei 2,85 terawattdiimmu (TWh). 2016:s lei 2,1 TWh ja 2015:s 2,5 TWh.

Go gaskamearálaš elfápmogeavaheapmi lea 9000 kWh jahkái, de gokčá dat 316 000 ásodaga elfápmogeavaheami ovtta jagis.

Čilgejit ahte sivvan manne lassánii, lea go golbma ođđa bieggafápmorusttega álggahuvvojedje.

(©NTB)

-Almmuhus-