-Almmuhus-
SMÁVVAOĐĐASAT– Eai buohkat illut juovllaide

– Eai buohkat illut juovllaide

-

-

Lagabui 30 proseantta álbmogis lohket áigut jearrat veahki dahje geavahit daid veahkkefálaldagaid mat gávdnojit vai mánáin galgá positiivvalaš juovlaávvudeapmi.

UNICEF guorahallanlogut čájehit ahte dán jagi leat eambbo olbmot go ovdal geat vásihit juovlaáiggi lossadin. Iskkadeapmi čájeha ahte 600 000 olbmo lohket dán jagi juovllaid šaddat váddáseabbon go ovdal earret eará váttis ruhtadili geažil.

Maiddái eahpečielga politihkalaš dilli máilmmis čuohcá olbmuid juovlaráhkkanemiide ja ávvudeapmái.

– Dan negatiivvalaš rievdadusa maid dal oaidnit lea dramáhtalaš. Ii leat eahpádus ge ahte dat garra ekonomalaš dilli mii dál lea váikkuha ja lea váttis oallugiidda. Juovllaid áigge šaddá dát dovdu earenoamáš lossat sidjiide geat vásihit lossa ekonomalaš dili, dadjá UNICEF Norge direktevra Kristin Oudmayer.

Guorahallan čájeha ahte badjel bealli álbmogis oaivvilda ahte juovllaid áigge boahtá nu bures oidnosii makkár erohusat servvodagas leat. 

– Geafivuohta lea šaddame stuora váttisvuohtan maiddái Norggas, earenoamážit mánnáolbmuide ja oktofuolaheddjiid gaskkas. Eambbosat rahčet árgabeaivvi ekonomiijain ja juovllaide šaddá dat vel stuorát váttisvuohtan. Go juovllat lahkonišgohtet de leat maid servvodagas eambbo ja stuorát vuordámušat, dadjá Oudmayer.

-Almmuhus-