-Almmuhus-
KULTUVRAEai beroš vaikke masse viđat saji

Eai beroš vaikke masse viđat saji

-

-

Maŋŋil go jietnalogut leat divvojuvvon de čájehuvvo ahte Norga gahčai Ruoŧa vuolábeallái Eurovision Song Contest finálas.

Lávvardaga ESC finálas čielggai ahte Norga gárttai viđádin dáin gilvvuin KEiiNO «Spirit in the Sky» lávlagiin, ovtta saji badjelis go Ruoŧŧa. 

Dál lea dilli rievdan.

– Mii eat beroš viđat dahje guđat sajiin. Mii ávvudat go vuittiimet álbmotjienasteamis! Mii sávvat lihku John Lundvikii, ja leat ilus go meattáhusat leat divvojuvvon. Ja gii dan diehtá, go jo juryvuogádahkii ii oro ollásit sáhttimin luohttit, de han soaitá EBU gávdnat muhtin láhppon čuoggáid ja mii soaitit fas goargŋut, dadjet buot golmmas KEiiNO joavkkus.

 

Davviriikkat

Gaskavahku bođii diehtu ahte European Broadcasting Union (EBU) lea divvon jietnaloguid, dieđihii NRK ja nu ii leat Norga šat buoremus Davviriikkain dáin gilvvuin 2019:s.

Álgoálggus almmuhuvvui ahte fágajuryt adde Norgii 47 čuoggá.

Dáiguin ledje 15. sajis ovdal go álbmotjienat lohkkojedje.

Álbmotjienat dat sihkkaraste Norgga oassálastiide buori saji gilvvus, 291čuoggáin.

 

Vilgesruošša

Duogáš rievdadusaide lea go Vilgesruošša almmuhii mo ledje jienastan semifinálas, ja nu lihccojuvvui jury. 
Dasto rehkenaste sierra mo Vilgesruošša jienastii finálas.

Rehkenastinmeattáhusa geažil leat rievdadan bohtosa, ja nu rievddai maid boađuslistu.

(©NTB)

-Almmuhus-