-Almmuhus-
-Almmuhus-
SMÁVVAOĐĐASATEai beasa oastit barttaid dohkkeheami haga

Eai beasa oastit barttaid dohkkeheami haga

-

-

Ráđđehus áigu gáibidit olgoriikkalaččain ovdagihtii dohkkeheami opmodatgávppiid oktavuođas.

Norgga Justiisa- ja gearggusvuođaministtar Emilie Enger Mehl (Gb) háliida, maŋŋel go leat várohusaid ožžon olgoriikkalaš opmodatgávppiid oktavuođas, dakkár vuogádaga mas ii-eurohpalaččain galgá leat dohkkeheapmi ovdal go ožžot oastit viesuid ja barttaid Norggas.

– Dássážii ii leat Norggas leamaš systemáhtalaš duogášdárkkisteapmi go olgoriikka ássit ostet opmodaga Norggas, lohká Mehl TV2:i  ja joatká ahte háliida dakkár vuogádaga mii sulastahttá Suoma, muhto mii lea heivehuvvon Norgii.

Ruoššat ostet opmodagaid, dalle áigot čavget

Politihkalaš sihkkarvuođabálvalus (PST) várohii guovvamánus dán jagi ahte ruoššat ostet strategalaččat biddjon opmodagaid. Olbmuin geain leat čanastagat Putina ráđđehussii leat oastán opmodagaid Davvi-Norggas suodjalusrusttegiid lahka.

– Mii leat dál ráhkadeamen vuogádaga mas oastin ja vuovdin galgá ovdagihtii dohkkehuvvot, nu go ovdamearkka dihte olbmuide olggobealde Eurohpá, lohká Mehl.

-Almmuhus-