-Almmuhus-
-Almmuhus-
OĐĐASATEai beasa báhčit

Eai beasa báhčit

-

-

Romssa Fylkkamánni leat biehttalan addimis goaskinbáhčinlobi viđá ohcamis Romssas. Ágga lea ahte ii leat okta «bahás» goaskin mii muosehuhttá, muhto olles goaskinnálli.

Jus boraspirii galgá oažžut báhčinlobi, de galgá sáhttit leat sihkar ahte spire mii lea vaháguhttán, dat gávdno ja de maid beassá báhčit.

Dál leat njeallje orohaga Romssas biehttaluvvon báhčimis goaskima, juste dan ákka vuođul ahte eai soaitte deaivat dan goaskima báhčit mii vaháguhttá.

 

Guhtta goaskima

Leat Ittunjárgga, Giellasa, Meavkki, Anders Nils Eira ja Per Mathis Oskal geaid ohcamiid lea Romssa Fylkkamanni lea biehttalan báhčimis goaskima.

Njealji ohcamis bivdet báhčit guhtta goaskima, Per Mathis Oskal lei fas ohcanovtta goaskimii báhčinlobi.

 

Vaháguvvan

Buohkat leat ohcan lobi báhčit go leat vaháguvvan goaskimii, go dat borret misiid.

Meavkkis ballá Johan Isak Turi ahte sis leat goaskimat borran čuođi miesi dássážii.

Fylkkamánni boraspireossodagas eai jáhke báhčinlobi ávkkuhit veaháš ge eastadeamis, go eai jáhke ohcciid deaivat juste dan goaskima báhčit mii lea vaháguhttán.

 

Ii duođaš duođalašvuođa

Per Mathis Oskalii leat maid biehttalan addimis báhčinlobi. Son guotteha gárddi siste, ja doppe lea maid goaskin goddán miesi sus.

Liikká oaivvilda Fylkkamánni ahte sus ii duođaš leat heahtedilli. Danin maid ii beasa báhčit.

Muđui namuha maid Fylkkamánni ahte dál leat goaskin monneme, ja danin ii ge leat sin mielas riekta lobi addit báhčit goaskimiid.

-Almmuhus-