-Almmuhus-
-Almmuhus-
OĐĐASAT Eai ávžžut Janssen-boahkuid

Eai ávžžut Janssen-boahkuid

-

-

Nu movt dilli lea dál, de  ii ávžžut Álbmotdearvvašvuođainstituhtta (FHI) ahte Norggas váaldet atnui Janssen-boahkuid.

Dat seamma hárvves, muhto duođalaš liigeváikkuhusat mat dieđihuvvojedje AstraZeneca-boahkuin leat maid fuomášuvvon Janssen-boahkuin. Vaikko gaskaboddosaš meroštallan čájeha ahte Janssen-boahkuin leat unnit buozalmasvuođadáhpáhusat go AstraZeneca-boahkuin, de oaivvilduvvo liikká ahte lea beare árrat diehtit man olu das lea dadjamuš.

– Min mihttu lea suddjet nu oallugiid go sáhttit, nu jođánit go sáhttit, vai lea vejolaš rahpat servvodaga ja beassat dábálaš árgabeaivái fas. Danne lea váttis mearrádus ahte okta boahkkunsorta ii galgga adnot aktiivvalaččat boahkuhanprográmmas. Seammás mii oaivvildit ahte mearrádus lea riekta, dan ektui go makkár njoammundilalašvuohta Norggas lea dál, lohká Álbmotdearvvašvuođainstituhta njoammunsuodjalusdirektevra Geir Bukholm sin neahttasiiddus.

-Almmuhus-